“Ingvil er…”

Denne posten er inspirert av Lars, som igjen er inspirert av http://ingridalexandra.blogspot.com/2008/01/google-lek.html. Så takk til dokke to.

Denne “leiken” går ut på at ein søkjer på “Navnet ditt + er” i google, og skriv opp dei første 10 treffa. Interessant.

• Ingvil er ved godt humør.
• Ingvil er også billedkunstner, og bytter bare ut penselen med pennen, når hun skriver sine sanger.
• Det er difor logisk at INGvil er regelrett (Oi, dette var faktisk om meg sjølv!)
• Ingvil er først og fremst en multikunstner.
• Bedriften Opperud Ingvil er lokalisert i Hurdal kommune i Akershus fylke.
• Ingvil er 25 år og kommer opprinnelig fra Mandal i Vest-Agder.
• Når Ingvil er svolten, eller har lyst på noko godt, trur eg dette står i hovudet hennar: (bilete av ein slags youghurt, trur eg).
• Bildet av Ingvil er ment som en illustrasjon til undersaken “Bedre miljø på skolen”.
• Ingvil er søskenbarnet mitt på 15 år.
• Åh, Joakim, Ingvil er snill og flink til å lære bort det hun kan.

SÆRnamn

Eg og Kristin har laga eit nytt system for norske særnamn, basert på JEsus og slikt frå 1600-talet. Finn ut resten her ein plass. Seriøst, det er genialt.

Eit nytt argument for å vere imot global oppvarming

For eit par veker sidan såg eg oppfølgaren til Disney-filmen “Den lille Havfruen”, som er basert på eitt av H. C. Andersen sine eventyr. For dei få stakkarane som ikkje har sett verken den første eller den andre filmen, er hovudpoenga omlag slik: I den første filmen møter vi havfrua Ariel, som er dottera av kong Neptun (havets konge, faktisk). Ho er særs fascinert av menneskeverda, og endar opp med å få seg menneskekjærast, Erik, og blir til slutt menneske sjølv, gitt! I denne filmen er det sjøheksa Ursula som er the bad guy, men ho døyr naturlegvis. I oppfølgaren har Ariel og Erik fått ei dotter, Melody. Ho er særs fascinert av havet, og blir etter mykje om og men havfrue for ei stund. Medan ho er det, blir ho lurt av Ursula si søster, Morgana, til å stele den mektige forken (eller kjempegaffelen, om du likar det betre) til Neptun. Melody anar ikkje at Neptun er bestefar hennar, men når ho finn det ut, blir ho kjempelei seg og ordnar det slik at alt blir bra igjen. Morgana blir fryst inne i ei isblokk, og er dermed ute av leiken.

Dette med global oppvarming får vel born snart inn med morsmelka. Men kva skal ein gjere med filmar som denne, der skurken blir fryst inne i ei isblokk? Isen kjem jo til å smelte, og skurken blir før eller sidan fri. Skal ein lage endå ein oppfølgar, eller kanskje ein ny slutt, der skurken heller blir sett i ein ørken for å tørke inn? Kanskje litt for drøyt for små born, det er trass alt meir vennleg å berre fryse folk fast, for då er det ingen som seier at dei døyr. Døden er ein dårleg ting i dei fleste barnefilmar. I tillegg hadde det vore veldig sært å plutseleg hatt eit sceneskifte frå Atlanterhavet til Sahara…

2007 var året der eg, mellom anna,…

• lærte kva ein Umbraco-nøkkel er.
• fekk stipend for første gong, og byrja å ta ansvar for eigen økonomi.
• nok ein gong ikkje reiste til Førde.
• var på adventsfest i Dalsfjorden.
• byrja å dirigere eit barne- og ungdomskor med 70 medlem.
• forsto korleis ein knyter slipsknute.
• var på Mallorca.
• oppretta blog.
• las Jane Eyre.
• byrja å like å bruke pengar på CD-ar.
• feira 17. mai i Volda.
• fekk min første reine seksar på ein norskstil.
• såg ein heil sesong av Scrubs på under 24 timar.